Rosja prowadzi haniebną wojnę z Ukrainą.     Bądź z Ukrainą!
Jak możesz wesprzeć Ukrainę 🇺🇦 ❤️
LT → jidysz, hebrajski → Itzik Manger → חוה און דער עפּלבוים → transliteracja
✕
Podziel się
Rozmiar czcionki
Oryginalne teksty (piosenek)
Zamień języki stronami

חוה און דער עפּלבוים

חוה שטײט פֿאַרן עפּלבױם.
דער זונפֿאַרגאַנג איז רױט,
װאָס װײסטו, מוטער חוה, זאָג,
װאָס װײסטו װעגן טױט?
 
דער טױט דאָס איז דער עפּלבױם
װאָס בײגט די צװײַגן מיד.
דער אָװנט־פֿױגל אױפֿן בױם
װאָס זינגט זײַן אָװנטליד.
 
אָדם איז אַװעק פֿאַר טאָג
אין װילדן װאַלד אַלײן.
אָדם זאָגט: „דער װאַלד איז װילד
און יעדער ,װילד׳ איז שײן“.
 
נאָר זי האָט מורא פֿאַרן װאַלד.
זי ציט צום עפּלבױם.
און קומט זי נישט צו אים צו גײן,
קומט ער צו איר אין טרױם.
 
ער רױשט און בײגט זיך איבער איר.
זי הערט דאָס װאָרט „באַשערט“.
פֿאַרגעס װאָס „ער“ דער גרױסער „דער“,
װאָס ער האָט דיר פֿאַרװערט.
 
און חוה רײַסט אַן עפּל אָפּ
און פֿילט זיך מאָדנע גרינג,
זי קרײַזט פֿאַרליבט אַרום דעם בױם,
װי אַ גרױסער שמעטערלינג.
 
און „ער“, װאָס האָט דעם בױם פֿאַרװערט,
ער זאָגט אַלײן: „ס׳איז שײן“,
און האַלט נאָך אױף אַ רגע אױף
דאָס גרױסע זונפֿאַרגײן.
 
דאָס איז דער חלום יעדע נאַכט,
טאָ, װאָס זשע איז די װאָר?
און חוה פֿילט װי ס׳טרערט דער בױם
אַראָפּ אין אירע האָר.
 
„װײן נישט, שײנער עפּלבױם,
דו רױשסט און זינגסט אין מיר
און דו ביסט שטאַרקער פֿונעם װאָרט
װאָס װאָרנט מיך פֿאַר דיר“.
 
און חוה נעמט דעם עפּלבױם
מיט בײדע הענט אַרום,
און איבער דער קרױן פֿון עפּלבױם
ציטערן די שטערן פֿרום...
 
transliteracja

Khave un der eplboym

khave shteyt farn eplboym.
der zunfargang iz royt,
vos veystu, muter khave, zog,
vos veystu vegn toyt?
 
der toyt dos iz der eplboym
vos beygt di tsvaygn mid.
der ovntfoygl oyfn boym
vos zingt zayn ovntlid.
 
odem iz avek far tog
in vildn vald aleyn.
odem zogt: “der vald iz vild
und yeder ‘vild’ isz sheyn.”
 
nor zi hot moyre farn vald.
zi tsit tsum eplboym.
un kumt zi nisht zu ihm zu geyn,
kumt er tsu ir in troym.
 
er roysht un beygt zikh iber ir.
zi hert dos vort “bashert.”
farges vos “er” er groyser “der,”
vos er hot dir farvert.
 
un khave rayst an epl op
un filt zikh modne gring,
zi krayzt farlibt arum dem boym,
vi a groyser shmeterling.
 
un “er,” vos hot dem boym farvert,
er zogt aleyn, “s’iz sheyn,”
un halt zikh nokh oyf a rege oyf
dos groyse zunfargeyn.
 
dos iz der kholem yede nakht,
to vos zshe iz di vor?
un khave filt vi s’trert der boym
arop in ire hor.
 
“Veyn nisht, sheyner eplboym,
du royshst un zingst in mir
un du bist shtarker funem vort,
vos vornt mikh far dir,”
 
un khave nemt dem eplboym
mit beyde hent arum,
un iber der kroyn fun eplboym
tsitern di shtern frum...
 
✕
Itzik Manger: Top 3
1.ייִדל מיטן פֿידל (Yidl mitn fidl)
2.דאָס קלײנע ציגײַנערל (Dos kleyne tsigaynerl)
3.אויפן וועג שטייט א בוים (Oyfn veg shteyt a boym)
Komentarze
↑↓