A Rússia está travando uma guerra desgraçada contra a Ucrânia.     Ajude a Ucrânia!
  • La Talvera

    Lo meu país • Bramadís (2007)

Compartilhar
Tamanho da fonte
Letras originais

Letras de Lo meu país

Se sàbiatz, mon país
A ni nom ni frontièira.
Dins lo vèrs s'espandís
D'una fòla epopèia!
 
Se trapa pels camins
Dins lo sang de las pèiras
Dins lo caud del rasim,
Dins l'amar de l'albièira.
 
Se sabiatz, mon país
S'escond per las ginèstas,
Dins la flor qu'espelís,
Dins lo còr de las bèstias.
Dins l'ombra que blanquís,
Dins l'autan que despelha,
Dins la doçor d'un nis
O lo pols d'una fuèlha.
 
Mon país es aval,
Al mièg d'una carrièira
Ont dançan tres enfants
Per un sou de misèria.
Es aval, dins lo crit
D'un freta-savatons
Que rebala vencit
Sens espèr de retorn.
 
Mon país es al fons
D'una preson de trévas
Que n'an, per tot resson:
"Que lo marcha o créba".
 
Mon país es pertot
Ont son los privats d'ésser:
Sens papièrs ni aunor,
Sens ostal o sens tèrra...
 
Se sàbiatz, mon país
A ni nom ni frontièira.
Dins lo vèrs s'espandís
D'una fòla epopèia!
 
Se trapa pels chauchilhs,
Lo canin d'una talveira,
Lo fisson del perilh,
La joia bartasièira!
 
Mon país es aquí
Ont grana la colèra;
Sul punh que se brandís,
Dins lo fuoc, la lassièira.
Dins l'èrsa que nos pren,
Dins l'èrsa que nos geta...
Dins l'apèl de l'avenc,
Dins las mans de l'aubeta...
 
Se sabiatz, mon país
S'amaga per las raras
De l'ora que fugís
E que sembla eternala.
Dins la colors passidas,
Dins las sentors salvatjas,
Dins la saba de vida,
Dins la paur de l'aigatge...
 
Se sàbiatz, mon país
A ni nom ni frontièira.
Dins lo vèrs s'espandís
D'una fòla epopèia!
 
Pertot ont l'amor nais,
Pertot ont l'amor puèlha.
Dins lo fum del pantais,
Lo breç d'una quimèra...
Dins los mots d'un enfant,
Dins l'agach d'una femna,
Ont lo rire pren vam,
Ont s'esquiçan las penas...
 
Se sàbiatz, mon país
A ni nom ni frontièira.
Dins lo vèrs s'espandís
D'una fòla epopèia!
 
S'escond al fons del riu,
Dins lo secret de l'èrba;
L'arma del recaliu,
Dins lo lis d'una quèrba...
Mon país resplendís
De mila cantalenas
Que dança, a l'infinit,
Un pòble de serenas!
 
Finta plan mon país,
El n'a ni dieu, ni mèstre:
Un caval que corrís
Sens tralhas ni cabèstre.
 
Mon país es pertot
Ont la sola batesta.
Es de gardar lo gost
D'un lendeman de fèsta
Se sàbiatz, mon país
Es pertot que t'espera:
S'existís pas, enlòc,
Es sus la tèrra entièira...
 

 

Traduções de "Lo meu país"
La Talvera: 3 mais populares
Comentários