A Rússia está travando uma guerra desgraçada contra a Ucrânia.     Ajude a Ucrânia!
Compartilhar
Tamanho da fonte
Tradução
Swap languages

Munere libellae

Annuus est urnis honor, annua cura sepulcris
(Manibus haec quisnam munera sacra neget ?)
Cuique decus cordi est monumenti, quisque paterna
Se studet arte piis busta onerare rosis.
Me quoque luctifica sollemnitate quotannis
Rite amitae tumulum spargere flore iuuat.
Sicque, meos recolens, feralibus ipse diebus
Nuper ad inferias... quantus at ille pauor !
 
Eloquar an sileam ? prohibet timor ipse fateri...
" Fare - sed hic uestrum quis mihi iussit - age ! "
Pax. At quid narrem ? Tamen haec sunt facta : silete.
 
Serum erat, atque polo praecipitabat iners,
Non pluuia sine frigidula, comitantibus auris,
Nox, dense piceis nubibus astra tegens.
Iamque parentanti proauis linquenda sub umbra
 
Cuique sepulcreti limina, et absque mora ;
Discessurus ego, tardo dumque obuia gressu
Functorum adspicio marmora scripta, lego :
SCIPIO. QVEM. GENVIT. FABII. FVDERE. PARENTES.
 
PISONVM. SVBOLES. ASCANIO. QVE. SATVS.
ILLE. VIR. HEIC. SITVS. EST. TRABEATO. MVNERE. CLARVS.
VOS. APVD. INLVSTRIS. QVEI. FVIT. ATQVE. COMES...
Multos post titulos demum, post nomina magna,
 
Insuper ac fasces, gloriolas, et equos
Sculpserat artificis Pario quos dextera saxo,
De clipeo tanti splendet imago uiri :
Florigeras inter siluas, et ture uaporas
 
Fulgida, pinnatis fulta cupidinibus.
Haud procul hinc, alia est (quam dispar at illius !) arca :
Olla pusilla quidem, squalida, foeda situ,
Nullae quam decorant uiolae, nulloque notata
 
Elogio, signum praeter et indicium :
Cum IVCVNNV[S] enim, necnon CO[N]VER[R]ITOR ultro
Vix cernatur humi, scalptus uterque male.
Busta sed haec miserans, aegre neglecta ferebam,
 
Indiga odorati turis, egena rosae.
O hominum - mecum queritabar - uita, genusque !
Proh dolor ! Ast aliis cuncta, aliisque nihil.
Nam nil uiuus habens, Libitinam post, ubi fato,
 
Infelix, cessit, quidnam habuit ? quid habet ?
Haec mihi flebilibus sub pectore sensibus ipsa
Voluenti spatium non sinit hora diu,
Dum ne corde quidem tacitis, neque mente litandi
 
Largitur tempus manibus umbra celer.
Solus ita, ac media deprensus nocte sepulcra
Inter, et exstinctis per monumenta rogis,
Vel gracilem, si quis, trepidans, fera carmina, parum
 
Aut ululam, inde uagor, semianimusque metu.
Ecce autem subito... mihi tum, sub luce maligna,
Par procul umbrarum cernitur ire leuis,
Per cipposque magis tumulosque magisque propinquans...
 
Vix satis at credo uisibus ipse meis,
Lumina cum dubitem lusum, an praecordia fraude
Me captum, uariis iam tremefacta dolis.
Credendum tamen est : etenim simulacra tueri
 
Nunc licet, ut propius cum pede et ora ferunt :
Lunataque tumens pelli latoque superbus
Clauo... quis alius, quis nisi diues adest,
Sarcophagum cuium modo, molem, insigne curule
 
Admiratus eram, magnificas ut opes ?
Quem iuxta, taetrum redolens, incedit homullus
Foedus, palliolo tectus, itemque lacer.
Hic euerriculumque gerens umeroque cruminam
 
Iam mihi, iam notum se profitetur inops :
Nam specie, ni fallor, erat scoparius ille
Atque umbra, ipse animae uultus et ora suae,
Nomine Iucundus. Verum - inquam - nil mihi mirum,
 
Mortua si redeunt iamque sepulta domi :
At sero, multamque ad noctem, totque silentum
Hos tantum uigiles, quisque stuperet iners...
Hoc animo facinus reputante, togata figura
 
(Iamque procer nobis ille propinquus erat)
Alteram ad hanc conuersa, sequax quae pone priorem
Tunc gradiebatur, candida ut ante nigram,
" Dic - ait interea - puer, heus, et amabimus : o tu,
 
Quomodo, dic nobis, quoue furore, miser,
Hoc ad nos inhonestum ausus per funus humari es,
Nos, qui summates, qui proceresque sumus ?
Quis pudor, amentis quae tanta proteruia plebis,
 
Hoc cum nobilibus participare decus !
Quis nostrum populos umquam contempserat ullos ?
Quemque sed in rebus transiluere modum !
Vtpote, uile cadauer, humo iam membra tegenda,
 
Condere quis uetuit sordibus ista tuis ?
Longius ast olidam, foedissime, ferre Mephitim
Iure nequimus : eas quo domus, atque pares ! "
Haec illustris imago ; cui sic altera pulla,
 
Pectore depromens rustica uerba suo :
" Magnatum o praeclare, megistanumque uerenne,
Hoc ignosce, precor, iam mihi, domne, scelus,
Flagitii prout insonti - geniosque tuorum
 
Iratos 'abeam, Tartereosque deos,
Immo malam isse abeam, pater, in rem ! Turpis at autrix
Vxsor, crede mihi, criminis illa fuit !
Omne quod isperabat enim miserissima coiux
 
Vt sibi iam facerem, fecit et issa mihi.
Nam cremanda, suum doliens lugensque maritum,
Curauit rapidis arida membra focis,
Busta tuumque humanda dedit prope Maesolaeum,
 
Set contra botum scilicet apta meum !
Quid faciam, bostri ne quid minuatur 'onoris,
Si, lemurum alte, mihi sola failla manet ?
Sicque satis bobis facerem, ni pallidus essem
 
Ecxstincti sceleti puluis, et umbra uiri :
Rellicias mecum cunctas (pisinna superlex),
Ossua cum testa sandapilaque mea,
Isse aliam modo iam raperem, clarisseme priceps,
 
Ad tumbam. " " En tandem - tunc prior inquit - age !
Cur haeres, baro ? quid, torpida uappa, moraris ?
Quid tibi uis ? iras exstimulare meas ?
Iam nisi nos fulgens atauum decoraret origo,
 
Vecors, non sine ui res gereretur... " " Eho !
Vimne, ais ? - incultum rursus de murmure monstrum -
Hircle ! uimque refer cum cumulis, et opes !
'Actenus haecce quidem : tot iam taedere, sinator,
 
Burrarum coepi, nec patiuntur onus
Oriclae. Verum, clementia (quae mihi tantast)
Si, cale domne, tamen uincitur, isse manus,
Oblitis Lacesis legibus cum compede fati,
 
Bobis iniciam... caedere namque paro.
Quem tete esse putas ? utrum Minoin ? an issum
Infera Tanarium qui regit arua Iouem ?
Haec inter molimenta, patris trans limina Ditis,
Omnes aequales nos sumus, atque pares !
Nonne uides ut mi similas ? similes ut ocilli,
 
Seu potius boltus, bina cauerna, specus ?
Nonne est ambobus pro nigro calba capillo ?
Non, pater, ora, cauas isse imitate genas ? "
" Furcifer infamis ! ramenta, et putrida pestis !
 
Hucine, struma procax, tam petulanter ades ?
Sicine, purpurei nec fronte rubente pudoris,
Nobis exaequas te, crucis offla, procis ?
Nobis, inquam, altis sacra quos cognatio fastis
 
Iam signauit, auis muneribusque potis ? "
" Bombax ! isse quidem fastu non cederet ulli...
At quidnam garris ? quidue friguttis, homo ?
Te coenum cogitato lutumque fuisse, cinis qui
 
Es modo, biua tamen cum morienda scias,
Quisquiliis demptis. Cognatio... kara, Lupercal
Ludicrum, atque senis premia falciferi :
Ista, sepulturas post tristas, atque supremas
 
Post, pater, execias, quid sibi deinde bolunt ?
Denique, tot neuulas nunc dissece, si sapis : isse
Scisn', an non, obitus quid sit ? et isse Eribus ?
Orcus enim iustis rationibus, utque ita dicam,
 
Munere libellae fungitur, aut stafylae :
Siue magistratus, seu rex, primasue locuplex
Traiecto pulsans has Acerunte fores,
Quisque genus, titulos, pollentia regna, triunpos,
 
Omnia cum bita perdidit, atque anima.
Mortus et isse, scelestus, et idemst, optime, nugas,
Irremeauilibus dum terit omne uiis.
Ergo mihi, moneo, obsculta dictisque libenter,
 
Bostraque iam miserum me prope busta sine :
Haecce tua, demum, referunt quid inania ? Scurris
Digna quidem, ac biuis mimica quaeque ioca.
Nos, afflante stetim ut reteguntur lumina Morte
Clausanturque, graues reddimur inde magis. "
 
Letras originais

'A livèlla

Clique para ver a letra original (Napolitano)

Totò: 3 mais populares
Idioms from "'A livèlla"
Comentários