✕
Corectură cerută
Originală
منكم وفيكم versuri
:بيلبقلك شك الألماس
بيلبقلَك شك الألماس آه، يا علي
أخدوا ألماسك.. يا ويل ويلي
شوفوا ابني يا عيوني.. بِهالفستان
شوفوا عمال يتمايل.. خدُّه رمّان
حبايب لا تلوموني..لومكم ما كان
بيغير حبي لوليدي.. يا عيني عيني
بيلبقلَك شك الألماس آه، يا علي
أخدوا ألماسك.. يا ويل ويلي
شوفوا ابني يا عيوني.. ما في علة
شوفوا عمال يمتايل..شو هالطلة
حبايب لا تلوموني..ألف اسم الله
يقبر قلبي بيجنن… يا عين عيني
بيلبقلَك شك الألماس آه، يا علي
أخدوا ألماسك.. يا ويل ويلي
:مرمر زماني
مرمر زماني، يا زماني مرمر
حُب الصبايا عبّق متل العنبر
مرت سألتني الخاتم لمين يا عيوني؟
لتكوني حبّيتي عليِّ يا مجنونة؟
قلتلها لابن عمي يا عمري خطبوني
عرفوا عنا والحكي عم يكتر
مرمر زماني، يا زماني مرمر
حب الصبايا عبّق متل العنبر
مرّت قالتلي عنك أبعدتيني
اختاري بعدي، يا إمّا بتختاريني
قلتلا دخيلك ما تروحي وتتركيني
بدونك قلبي دقاتو بتتعتر
مرمر زماني، يا زماني مرمر
حب الصبايا عبّق متل العنبر
مرت وبعنيّ نطرت جوابي، جوابي
قلتلا معك لو زعلوا أهلي وصحابي
تعي ع قلبي، تعي زينة ع بوابي
عتبوا ما عتبوا، أصلا اشي ومقدر
مرمر زماني يا زماني مرمر
مرمرتني ما عاد فيّ تتمرمر
:يا ظريف الطول
يا ظريف الطول وقف تاقولّك
رايح عالغربة وبلادك أحسنلك
خايف يا ظريف تروح وتتملّك
وتعاشر الغير وتنساني أنا
يا ظريف الطول، أسمر ولطيف
غنولك كتير وغنوا عن التعريف
بس ما حد عرفك زيي يا ظريف
بستنّاك أنا مية ألف سنة
(اللازمة)
يا ظريف الطول يا سن الضحوك
إيدك بمسكها قدام امك وابوك
لو تقول أهلك عني ابعدوك
بنهرب بالليل ونعلن سرنا
(اللازمة)
:على دلعونة
على دلعونا وعلى دلعونا
منكم وفيكم بنضلنا هونا
منضلنا هونا بلادك وبلادي
حنّوا علينا الوطن حنونا
منكم وفيكم، وبعدو الشارع
مش عارف إحنا فعل مضارع
ما زهق فينا، فينا يصارع
بدل ما يحارب اللي احتلونا
منكم وفيكم، يما ويا يابا
حرام نتشرد ونروح غرابا
حرام يروحوا من الأرض صحابا
في دفا دياركم والله خلونا
منكم وفيكم: إسأل المراية
طلطل ع روحك واسمع الحكاية
فيكم ما زلنا من البداية
كبرنا بوطننا مثل الزيتونا
(اللازمة)
Ghanni Project: Top 3
1. | مناكير (Manakir) |
2. | القصيدة الشريرة (al-Qaseda ashirra) |
3. | جئت الى اهلي (Ji2eto Ela Ahli) |
Expresii din "منكم وفيكم"
1. | يا ويلي ويلي ويل |
Comentarii
- Autentifică-te sau înregistrează-te pentru a adăuga comentarii
Russia is waging a disgraceful war on Ukraine. Stai cu Ucraina!
Palestine: Top 7
Mohammed Assaf Pop | |
Elyanna Folk, Mizrahi | |
Saint Levant Hip-Hop/Rap | |
Daboor Hip-Hop/Rap | |
Rim Banna Singer-songwriter | |
Zeyne Hip-Hop/Rap, Pop | |
Faraj Suleiman Singer-songwriter |
:منكم وفيكم
عمل فنّي غنائي جديد من مشروع غنّي عن التعريف من إنتاج مؤسسة القوس للتعددية الجنسية والجندرية، يقوم على توظيف أغاني تراثيّة شاميّة/ فلسطينيّة بهدف استكشافها كمساحة تعبّر عن تجاربنا ووجودنا كمثليّات/ين ومتحوّلات/ين وثنائيّي/ات الميل الجنسي (بايسكشوال) وأشخاص يعيشون توجّهات جنسيّة وجندريّة مختلفة
أنجز العمل كتابةً وتوزيعًا وعزفًا وغناءً -بكلّ حُبّ- مجموعة من ناشطات وناشطي القوس وحليفاتها/حلفائها، من خبرات واهتمامات فنيّة وموسيقيّة مختلفة، ومن مناطق مختلفة في الوطن
لماذا منكم وفيكم؟
وُلدت فكرة العمل بشكل أساسي من العلاقة الوثيقة لنشطاء القوس وفنانيها مع الإرث الغنائي والموسيقي للمنطقة -كما هو الحال مع غالبيّة بنات/ أبناء شعبنا، حيث كانت حاضرة دومًا في حياتنا وأفراحنا وأتراحنا، وجزء أساسي من ذائقتنا الموسيقيّة وتفضيلاتنا الفنيّة.
إضافة لذلك، شكّل العمل فرصة ممتازة لطرح مقولة سياسيّة واجتماعيّة حول وجودنا كفلسطينيّات/ين نعيش توجّهات جنسيّة وجندريّة مختلفة، حيث نتعامل في القوس منذ سنوات مع مسألة الإنكار المجتمعي لوجودنا وقضيّتنا، والتي تتمظهر بأشكال مختلفة من الشيطنة والإقصاء وحتّى عدم الاعتراف بوجودنا وحياتنا في المجتمع الفلسطيني والعربي أصلًا.
شكّل العام الأخير بالنسبة لنا ذروة في الظهور المجتمعي ومواجهة الإنكار، حيث جعلت أحداث كثيرة من قضايا التعددية الجنسية والجندرية محطّ نقاش شعبي ومفتوح كانت القوس في واجهته. تأتي "منكم وفيكم" لتختتم العام الماضي المليء بالتقدّم والنقاشات والانفتاح على قضايا التعددية الجنسية والجندرية وتؤكّد على مقولة واضحة لا لبس فيها: نحن منكم وفيكم وسنبقى كذلك.
:منكم وفيكم موسيقيًا
اخترنا في "منكم وفيكم" التجريب من منطلق صوتي من خلال معالجة الآلات التراثية (الناي، العود، والبزق، الإيقاع) إلكترونيًا. يأخذنا العمل في رحلة صوتية من الماضي الى الحاضر إلى المستقبل، حيث تبقى المقامات والإيقاعات بطابعها الأصلي، لكن من خلال منظور معاصر.
كان تحديد التوجّه الموسيقي للمشروع من الأسئلة غير البسيطة التي واجهتنا، فمن جهة كان لدينا هدف إنتاج عمل معاصر وشبابي يجدّد اللحن التراثي الكلاسيكي المعهود، ومن جهة أخرى كنّا واعين تمامًا لعدم الانجرار لفخّ الموسيقى الاستهلاكيّة التجاريّة التي تقوم على أصوات وألحان بعيدة كلّ البعد من الارث الموسيقي للمنطقة، وبالتالي لا تشكّل بناءً عليه أو استثمارًا فيه
تقوم مؤسسة القوس للتعددية الجنسية والجندرية في المجتمع الفلسطيني على جهود مجموعة من النشطاء من المِثْليّات، والمِثْليّين، وثنائيّي/ات الميول الجنسيّة، ومتحوّلي/ات النوع الاجتماعيّ، والمتسائلين وأشخاص يعيشون توجّهات جنسيّة وجندريّة مختلفة. تعمل القوس منذ قرابة العقدين في مجالات مختلفة مثل التدريبات وبناء المجموعات المثليّة/الكويريّة والإنتاج الثقافي وفي كافّة المناطق الفلسطينيّة