Reklam

Fabrizio Casu - Lu mondu a curori

Sardo-Corsican (Sassarese)
Sardo-Corsican (Sassarese)
A A

Lu mondu a curori

Dimmi la viriddai, vurì ripusatti un poggu
ma abà nò esagerà, tu m’intendi e ti fabeddu,
 
ti cunzedu casche dì, casche dì pa ripusatti bè
ma nò debi abbuffunà, abri l’occi e sei cun me.
 
Dimmi la viriddai, m’intendi e fai finta di nudda
vogliu chi la sarri tu, chi l’hai abestha, la firidda.
 
Debi torra camminà, pesaddinni da lu lettu!
Nò ti vogliu più sugnà, nò mi fà chisthu dipettu!
 
Scedaddi! Fuggi da lu lamentu
Scedaddi! Nò drummì i lu tuimentu
Si mi vedi soggu affaccu a te,
nò t’aggiu abbandunaddu un mamentu.
 
Scedaddi! Dai fini a un pinsamentu
Scedaddi da chissu sognu freddu
Vi pensu sempri, vi vogliu bè,
soru in sognu chissa bozi intendu.
 
Veni in sognu e dimmi chi, dimmi chi nò sei suffrendi,
surridimi, aischosthami e dimmi chi sei turrendi.
 
Ti vogliu in foimma affaccu a me, cumenti t’aggiu cunisciddu.
Pesadinni, nò abbaiddà chisthu mondu in biancu e nieddu.
 
Scedaddi! Fuggi da lu lamentu
Scedaddi! Nò drummì i lu tuimentu
Si mi vedi soggu affaccu a te,
nò t’aggiu abbandunaddu un mamentu.
 
Scedaddi! Dai fini a un pinsamentu
Scedaddi da chissu sognu freddu
Vi pensu sempri, vi vogliu bè,
soru in sognu chissa bozi intendu.
 
Tack!
tackad 1 gång
Inskickad av HampsicoraHampsicora Lör, 02/04/2016 - 19:12
Senast ändrad av HampsicoraHampsicora Tis, 04/08/2020 - 11:42

 

Översättningar av "Lu mondu a curori"
Fabrizio Casu: Topp 3
Kommentarer
Read about music throughout history