✕
العربية
العربية
چتل عدنه .. چتل عدنه
وعلينه هموم ملتفه
چتل عدنه
تريد .. بلا غنه نزفه
چتل وتناخت النسوان
ها الاولاد ...ها الاولاد
مر بينا الرصاص جناح
اخذتوا تفاكم غافين
مارديتوا اللي راح
اجيتوا بلايه حتى تراب
مارديتوا اللي راح
ومحمد خيال يدور عالنجمات
گالوا مات.. گالوا مات
لاهيهات
امس سلم عليه وفات
وآنه ابچيلكم بسكوت
ها الاولاد... ها الاولاد
اخاف السما تطيح وتعتذر بغداد
ها الاولاد
وانه ( وعبد الامير ) اثنين نشرب سم
تفارگنا وغفل جمعنا البريسم
تذكر من مشينا وياك درب الطيب
والدنيا رطب عالي بگلب نخله
گلنالك تجي ؟ وگلتنا بيد الله
اذا ماجابك النوب ( اشتعل الله )
عمي اعذرنا ياالله
تره مجبور اكفر بيك ياالله
صفنه شگال شاعرنا
سم لو خنگ تردين .. روحي ارد اشيرچ
لاسم اليفيد ولاخنگ ينفع
صك اذنك بصف الناس
لاتحچي ولاتسمع
صفنه شگال كوكبنا
( حدر التراچي برد والگنطرة بعيده
وامشي واگول وصلت والگنطرة بعيده )
اذا هي بعيد بس الگنطرة معطلتك
اعبر فوج .. اعبر فوج
اسبح والنظيف يفوج
والوجهه كواغد ينمرد بالروج
صفنه شگال شاعرنا...
عالحايط التچيت مامش نفاهه
وين التچ ؟؟
ولاظل حايط بدنياك ما مهدوم
(ياجبار) صفنه شگال شاعرنا
ضعن ولفي سرة وگوطر واناحي
بعيد ولاسمع وني ونوحاي
مدام الوكت دافني وانا حي
اخافن ليش بعد من المنيه
لو موت لو يرحن عيوني
تذكر من بچينا حذاك انه وامي
دورنا على البيبان عالديرة
لگيناها درب مسدود
درب مسدود يمحمد
دورنا على البيبان عالديرة
لگيناها مگابر والحدرهه جنود
حدر گلبي تفوت يمحمد
دگينا على اول باب ماينفك
دگينا على ثالث باب هم ماينفك
نسينا لثاني باب نروح .. يمحمد
بقينا بشك... بقينا بشك
حرگنا هدومنه بشخاط.. يمحمد
وظل دخانهن يعمي
احترگ كلشي .. وبقه عنوانك محمد
ولد نشمي
بقه غصبن عله اليرضى والما يرضى
ولد نشمي
سالوني عله اسمي وجاوبت يمحمد
محمد
ذكرت اسمك تعذرني
نسيت اسمي
بعدني ابچي انه مجبور يمحمد
بعدني ابچي على ام شامات
اخبرنك ولا ظل واحد بدنياك طيب ذات
چثيره وناعمه همومي ..
ولا كظهن ولاغربيل
افك الصبح من وحده
يجني تلطعش بالليل
تصير انوب نص درزن
وعيوني خشب ناعم وگع بيهن
ادور عارفه بهالناس عود ادور
وتلگيهن
يمحمد گمرنه الغاب من سنين
چذب ما بلعته الحوته
وان عاتبت( خالد)
كسر تابوته
يمحمد وحگ الناس والعباس
انت اول صبي يهز العرش موته
Mohammed Noor
julietarab
LT
Floppylouالتعليقات
