✕
العربية (لهجات أخرى)
العربية (لهجات أخرى)
وييي
سلام عليكم آ الحباب
لحقتني برية من تحت الباب
شكون بعتها ليا
ويييي
لا حباب لا والي لا صحاب
هادو سنين مالحقني جواب
ولا حد سال عليا
هادي ماتكون غير هي
هي ديك البنية
شكون قال بلاك انتيا
طاحو عينيها في عينيا
عينيها حكل وهي خُمريّا
شعرها خواتم دهبية
بصح انايا نديواسي
بلاك شايفها في منامي
وانا ناسي
مادام الرقاد حاكم فيا
حاب
نسقسيكم يا حباب
لحقتني برية من تحت الباب
شكون بعتها ليا
«هدا بلاك يكون «اوردر
من الخدمة الوطنية
قالولي ولاد حومتي القديمة جازو ديجا يحوسو عليا
ايماجينيت روحي بالبندقية
وييي
شفت روحي في بقعة خالية بعيدة
صحرا باردة وجبال عالية سعيدة *
بولا زيرو وشاشيّة
وانا تاع راسي مخلوي
......
مضروب الراس قنجاوي
عقلية اسطونبوهالية
حاب
نسقسيكم يا حباب
لحقتني برية من تحت الباب
شكون بعتها ليا
قعَّدت راسي بديت نتوسوس ونقول
شكون قادرة تكون
وتش يما جا بين عينيا
وييي
غرتني الدنيا مافرحتها بخبار
سامحيني يا يما
هاد الزمان غدار
فرقنا يا مو عينيا
البرية في يدي
ويدي على قلبي نار
من عينيا سالو دمعات خسار
وحش ميمتي هاج عليا
حاب
نسقسيكم يا حباب
لحقتني برية من تحت الباب
شكون بعتها ليا
شكون قادرة تكون
هادي بالاك الخمرية
شكون قادرة تكون
ولا بالاك ميمتي
شكون قادرة تكون
بالاك الخدمة الوطنية
شكون قادرة تكون
ولا فاتورة التريسيتي
شكون قادرة تكون
هادي بالاك الشهرية
شكون قادرة تكون
وانا جامي خدمت في حياتي
شكون قادرة تكون
هادي بالاك الخمرية
شكون قادرة تكون
ولا بالاك ميمتي
simple life
LTالتعليقات
* سعيدة is an algerian city
- this song is a mix between algerian creole and MSA
- the genre of this music is called "Gnawa" (north african indigenous music)