Убжьы саҳауеит, аха исҭахӡам
Ишәарҭоу ахҭысгьы са сашьҭаӡам
Сызлагаша сымоуп, аҭынчроуп са сзызхьуа
Уаҳа убжьы смаҳарцаз ажәҩан ҵәцараҿ иӡыҭуа
Уара ушьҭыбжьуп, баша ауаа ргәы иқәыҩуа
Зынӡа исмаҳазшәа ҟасҵап, уаҿуп са сыршәара
Бзиа избо зегьы ыцәоуп ҭынч уажәы рыҩны
Абзиараз иухаршҭ сыҧхыӡ, хаҿсахьа змам абжьы
Исхызгахьоугьы маҷым, аҿыцрагь сазыҧшӡам
Сшьапы ықәҟьаргьы ҳәа сшәоит уара уахьыҟоу сцар
Алаҧшҳәаа ахь, алаҧшҳәаа ахь
Алаҧшҳәаа ахь
Еилкаашьас иамоу исызнархиаз са слахьынҵа?
Ҳа ҳҭанаргылар ацәгьа, уҳәатәы са ианхасҵа?
Ма удоуҳау згәы ҭынчым са сеилкаара зылшаз.
Иуман уааиуеит са сгәыӷра имаӡаз.
Есыҽны исзыҧшуп агәаҟра, сынашанагь еиҳахоит
Иагьыздыруеит сыҧсы лаша ҧхьаҟа сагоит
Алаҧшҳәаа ахь, алаҧшҳәаа ахь
Алаҧшҳәаа ахь
Уара усыцхраа, аҭак сыҭа
Уазусҭада, убжьы зхада?
Уҽаанкыл уабацои? Иҧхыӡӡам ари.
Сара сушьҭалоит алаҧшҳәаа ахь!