✕
العربية
العربية
ليتني عرفتك بأول العمر بدري
وشبعت عيني بالنظر من محياك
نادم على اللي راح من وقت عمري
اللي قضيته دون صوتك ونجواك
أشقيتني بمعانقة حب عذري
ليت الخيال الي يلمك معي جاك
الوقت يتحكم بعذرك وعذري
والشوق لي خذني بعشقك وداك
أمسي وتفكيري مع الشوق يسري
يسري إلى جدة متيم بروياك
أشغلتني وأشغلت قلبي وفكري
ولا أشوف فوق الكون غيرك ولا ألقاك
أحيا وأعيش العمر والعمر يجري
وإن كان فوقه عمر عشته برجواك
زاد الغرام وفاض بالحب نهري
أظما الضماير وأنتح السيل وأسقاك
تدري ولو ما تنظر الحال تدري
إن الهوى ومطاول البعد هلاك
ليتني عرفتك بأول العمر بدري
وشبعت عيني بالنظر من محياك
Danaharab
LTالتعليقات
