ما اقول الا وداع الله مشكورة
مغرورة...
شوفي حياتج وعيشيها على كيفج
ودخيلج...
ما أريد قلبج ولا عطرج ولا الصورة
مشكورة...
ما أريد ذكرى تذكرني ولا طيفج
بليلج...
قلبج يعيش الخيانة عارف (ن) دوره
من جوره...
يجرح وقلبي جروحه بته من سيفج
يعني لج...
ما دام قلبج حقيقة ميت شعوره
بيي دوره...
ضايع وضعتي في صف الغدر تصنيفج
يا ويلج...
فرشت درب المحبة ورود منثورة
وزهوره...
وانتي فرشتيه شوك الغدر في ريفج
وامشي لج...
لين انكشف كذب زيفج بان مستوره
منثوره...
الأشياء وآخر علامة شفت انا ضيفج يسعى لج
ومشكورة...