✕
Georgian
Original lyrics
მესაფლავე
მესაფლავე, შენ ამბობ, რომ ქვეყანაზე ვინც კი კვდება,
იმ წუთშივე მისი ჩრდილი ყველა ჩვენგანს ავიწყდება?
ეჰ, არ მჯერა მე ეგ რაღაც... მომაბეზრე კიდეც თავი;
და შეწყვიტე, თუ ღმერთი გწამს, ეგ დაცინვა გულსაკლავი.
ვარდის თვეა, მაისია, ნორჩ ბალახებს სიო არხევს,
ხეებს ყვავილთ თეთრი გუნდი, როგორც თოვლი, ისე აწევს,
მზე ნარნარი სხივებს აფრქვევს და სითბოში მთა-ბარს ახვევს.
ყვავილებით მოქარგულა არემარე მომხიბლავი.
ვერა ხედავ, იმ საფლავზე როგორ ტირის ობლად ქვრივი?
რარიგ შვენის ახალგაზრდა ქალს ეგ სევდა ღვთაებრივი!
განა გუშინ არ იყო, რომ ამ მოკლულმა დარდით ქალმა
ცრემლი ღვარა, როცა სატრფო ცივ სამარეს მიესალმა.
დღესაც იგი იმ სამარეს გულმოკლული დაჰქვითინებს,
დღით არ იცის მოსვენება და ღამითაც არ იძინებს.
მოვა ხოლმე და დაჯდება ცივ სამარის გაშლილ ქვაზე,
დარდით არის გაჟღენთილი მისი უღვთო სილამაზე;
თმას გაიშლის, დაემხობა და ცრემლები სცვივა, სცვივა...
სულს მიშფოთებს ეს ქვითინი, გული მტკივა, გული მტკივა!
მაგრამ რა ვქნა? მესაფლავე, ჩუმად იყავ, უგდე ყური...
გესმის, გესმის, როგორ კვნესის დაღლილი და უბედური? -
„გავქრე ისე, როგორც ნისლი, როგორც ღამის მოჩვენება,
არ მეღირსოს კვალარეულს სიმშვიდე და მოსვენება.
შენი სახე გულს კაწრავდეს, როგორც ვიყო, სადაც ვიყო
თუ როდისმე არ მახსოვდე, თუ როდისმე დაგივიწყო!“
მესაფლავე, კიდევ იტყვი, რომ ამ ქვეყნად ვინც კი კვდება,
იმ წუთშივე მისი ჩრდილი ყველა ჩვენგანს ავიწყდება?
აი, თუნდაც, გალავნისას მესაფლავე აღებს კარებს;
ახალგაზრდა ვინმე ვაჟი კიდევ სატრფოს ასამარებს.
გულმოკლული ძვირფას კუბოს არ სცილდება, არ შორდება,
განა როსმე სხვა ამგვარი სიყვარული მეორდება?
უსაზღვროა მისი სევდა, უსაზღვროა მწუხარება,
და გადმოსჩქეფს გულმოკლულ ვაჟს თვალთგან ცრემლთა მდუღარება.
ფიცით ამბობს: „ოჰ, შეშფოთდეს სამარეში ჩემი ძვლები,
არ ათბობდეს ჩემს სამარეს გაზაფხულის მზის სხივები,
გავქრე ისე, როგორც ნისლი, როგორც ღამის მოჩვენება,
არ მეღირსოს კვალარეულს სიმშვიდე და მოსვენება;
შენი სახე გულს კაწრავდეს, სადაც ვიყო, როგორც ვიყო,
თუ როდისმე არ მახსოვდე, თუ როდისმე დაგივიწყო!“
მესაფლავე, კიდევ იტყვი, რომ ამ ქვეყნად ვინც კი კვდება,
იმწუთშივე მისი ჩრდილი ყველა ჩვენგანს ავიწყდება?
ის ქალი კი, წეღან რომ ვთქვი, ისევ მოდის თმაგაშლილი
და სამარეს დაუვიწყარს თავს ადგება, ვით აჩრდილი,
ხელში ვარდის მთელი ბუჩქი, ჯერ ისევე დაუმჭკნარი,
მოაქვს, რომ მით დაამშვენოს სამარისა თეთრი ჯვარი.
ოჰ, ეს ქალი, ალბათ, დარდით ყვავილივით ჭკნება, ჭკნება...
სევდას სახე დაუფარავს და სიყვითლე ეპარება.
საცოდავი! თვალებსაც კი დასჩნევია უძილობა, -
ასე ხდება, როცა ღამით მოგონებებს იწვევს გრძნობა!
ეხლა? ეხლა კიდევ იტყვი, რომ ამ ქვეყნად ვინც კი კვდება,
იმწუთშივე მისი ჩრდილი ყველა ჩვენგანს ავიწყდება?
და ის ვაჟიც, გუშინწინ რომ მიაბარა სატრფო საფლავს,
არ სცილდება სასაფლაოს, სევდიანს და გულმოსაკლავს;
სახე თაფლის სანთელს უგავს, სანთელივით დნება, დნება,
თავს დასცქერის დაუვიწყარს, გლოვის სიტყვას ეუბნება.
მის თვალებსაც დასჩნევია ღამის თევა, უძილობა, -
ასე ხდება, როცა ღამით მოგონებებს იწვევს გრძნობა!
მესაფლავე, კიდევ იტყვი, რომ ამ ქვეყნად ვინც კი კვდება,
იმწუთშივე მისი ჩრდილი ყველა ჩვენგანს ავიწყდება?
დღეს იმ ქალმა გულმოკლულ ვაჟს უნებურად მოჰკრა თვალი;
გაიფიქრა: „ისიც ჩემებრ ტირის ცრემლებშეუმშრალი;
უძიროა კაცის სევდა, უძიროა კაცის გული,
რას არ ითმენს სიყვარულის ცხოველ ნათელს მოკლებული“, -
ასე ამბობს სევდიანი ქალის ცისფერ თვალთა ცქერა.
ალბათ, ვაჟსაც ამ უსიტყვო ცქერამ გული აუძგერა...
ასე იცის თანაგრძნობამ... შენ კი ისე იღიმები,
თითქოს მართლა იბმებოდეს იმათ შორის ის სიმები,
რომლის ძალით ორი გული სამუდამოდ შეერთდება...
ეჰ, არ მჯერა მე ეგ რაღაც, ქვეყნად ეგრე როდი ხდება.
როცა ფიცით აცილებენ მიცვალებულს სამარემდე,
ფიცს არ სტეხენ...
ფიცს არ სტეხენ უკანასკნელ ყოფნის დღემდე.!
გამიგონე, მესაფლავე, შენ არ იცი კაცის დარდი,
თორემ რაა - ჩემს თქმაზე რომ სულელივით ახარხარდი?!
რა ვუყოთ, რომ იმ ვაჟმა ქალს მოუტანა ნორჩი ვარდი
და მწუხარედ წასჩურჩულა: „შემიყვარდი, შემიყვარდი.
ჩვენ ერთი გვაქვს მწუხარება, შევაერთოთ სულთან სული...
გამომყევი, ქალო, ცოლად... ძლიერი მაქვს სიყვარული...
მართალია, ის სატრფონი არც შენ, არც მე აღარა გვყავს,
მაგრამ მათი მოგონება ვერ გაარღვევს უხმო საფლავს.
დავივიწყოთ ის წარსული, სატირალი, სავალალო,
და ახალი შევქმნათ ყოფნა... გამომყევი ცოლად ქალო!“
დაუცადე, მესაფლავე, თუ რა პასუხს მისცემს ქალი.
შენ გგონია, რაკი ვაჟმა დაივიწყა თავის ვალი,
ქალიც ასე მოიქცევა? მე მგონია - არა არა...
განა გუშინ არ იყო, რომ სატრფო მიწას მიაბარა?
მკვდრის აჩრდილთან ვინ იცინის,
მკვდრის აჩრდილთან ვინ იხუმრებს?
აი, ნახავ - აბეზარ ვაჟს რა პასუხით გაისტუმრებს!
მაგრამ ქალი, ღმერთო ჩემო,
მორცხვად თავს ხრის და ჩურჩულებს:
„თანახმა ვარ! ერთადერთი, მომავალი მასულდგმულებს...
ჩვენ ერთი გვაქვს მწუხარება, ნუ ვიგონებთ დროს უბედურს,
მე შენი ვარ სამუდამოდ... წამიყვანე, სადაცა გსურს“...
მესაფლავე, ეხლა კი გაქვს ნება, რაც გსურს, კვლავ იგი თქვა...
სამუდამოდ ასამარებს კაცთა ხსოვნას სამარის ქვა.
ალბათ, ქალ-ვაჟს დღეს ერთი აქვს ბინა... ხედავ, გადის ხანი,
არ ნახულობს სასაფლაოს დღეს არც ერთი იმათგანი,
საფლავთაგან მტვერს და ბალახს დღეს არავინ არ აცილებს
და მოვლასთან ერთად ფერი წართმევია ვარდ-ყვავილებს...
განისვენეთ, განისვენეთ დავიწყებულ არსთა ძვლებო...
თქვენს ყოფნაში არ ერევა ცოცხალთ ფიქრი საარსებო...
გენისვენეთ, ძლიერი და უკვდავია თქვენი ძილი...
რაღად უნდათ, რად სჭირიათ
თქვენს საფლავებს ვარდ-ყვავილი?
ან რას გარგებთ მოკვდავ კაცთა სამუდამო ცრემლთა ფრქვევა?
ძილით ვეღარ გამოგარკვევთ ვერრა ძალა, ვერც შემთხვევა...
ასე ხდება ქვეყანაზე - ყველა ცოცხლობს, ყველა კვდება
და ვაი მას, ვის სიკვდილი სიცოცხლეშიც ავიწყდება...
ზარსა სცემენ... იმ ორს, რომელთ დაივიწყეს ბედი მწვავე,
იმ ორს ერთად გადავერცხლილ კუბოში სჭედს მესაფლავე...
სჭედს და რაღაც მწარე ფიქრზე თან ველურად იღიმება -
იცის, იცის მესაფლავემ, როგორც უნდა... როგორც ხდება...
განისვენეთ, განისვენეთ, დავიწყებულ არსთა ძვლებო,
თქვენს ყოფნაში მე ბევრი მაქვს მწუხარე ჟამს საოცნებო!
mt1014
LTEnglish
Translation
Grave-digger
Grave digger, you say, that whoever dies in the world,
His shadow is forgotten by everybody from that minute?
Eh, I don't believe that... you fed up me
And please, stop such plaintive irony.
It is may, month of roses, fresh grass is waving in the breeze,
The bunch of white flowers are covering trees, like snow,
Sun throws his smooth rays on earth and wraps nature in warmth.
Fascinating environment is knitted by flowers,
Can't you see, how widow cries over that grave?
How beautiful is her divine sorrow!
Wasn't it just yesterday, that this broken-hearted woman
was shedding tears, while burying her lover?
Today also she cries above that tomb,
She doesn't sleep days and nights.
She is coming and sitting on that cold tomb,
Her godless beauty is full of sorrow.
She lets her hair down, and tears are falling, falling...
My spirit is unsettled by her grief, My hears hurts, my heart hurts.
But what can I do? Grave-digger, listen her,
Can you hear, how she is groaning, tired and unfortunate?
"Let me disappear, like mist, like ghost of night,
Let me live without rest and peace,
Let your face be scratching my heart, any time, anywhere,
If I ever forget about you, if I ever betray you!"
Grave digger, Will you say again, that whoever dies,
His shade is forgotten by everybody from that minute?
Here, look, grave-digger is opening gates of cemetery;
Young lad is burying his sweetheart,
He doesn't move away from coffin,
Does other such love exist on the earth?
His sorrow in infinite, his grief if boundless,
And heart-broken lad is crying with bitter tears.
He is swearing: "Let my bones have no peace in grave,
Let the sun of spring not to heat my tomb,
Let me disappear, like fog, like ghost of night,
Let your face be scratching my heart, any time, anywhere,
If I ever forget about you, if I ever betray you!"
Grave digger, Will you say again, that whoever dies,
His shade is forgotten by everybody from that minute?
That woman, which we mentioned, still comes,
And doesn't leave that grave,
She holds bunch of fresh roses,
And brings to decorate white cross of the grave,
This woman is fading, like roses,
Her face is yellow from mourning.
How pity! Her eyes are so sleepless,
It happens, when memories are provoked by feeling at nights!
Now? Will you again say, that whoever dies,
His shade is forgotten by everybody from that minute?
And that lad, who buried his lover the day before yesterday,
Doesn't leave the grave, He is still sad and heart-broken.
His face looks like the candle, like candle he is melting. melting...
He looks at grave and says sad words.
His eyes are sleepless and tired too,
It happens, when memories are provoked by feeling at nights!
Grave digger, Will you say again, that whoever dies,
His shade is forgotten by everybody from that minute?
Today, crying woman saw that lad,
She thought: "He cries like me, he hasn't dried his eyes yet
His sorrow is very deep, his heart is bottomless,
How much he endures, deprived of life-giving light of love!"
-This is read in her blue eyes,
And this silent look palpitated lad's heart too.
This is only sympathy.. But you are smiling, Grave-digger
As if that man and girl are really falling in love each other,
As if stings of love are stretched between them...
Oh, no, I don't believe that such things happen on the earth.
When dead is sent of with oath,
The oath shouldn't be broken, shouldn't be broken until the death!
Believe me, grave-digger, you don't know sorrow of human,
How to explain that you are laughing at me?!
Then what , if that lad brought rose to girl,
And whispered:..... "I love you, I love you
We have one sorrow, lets unite our souls...
Become my wife... My love is strong...
It is right, we have both lost our lovers,
But crying over their graves, won't rise them from dead.
Let's forget our painful past, full of tears,
Let's begin new life... Become my wife!"
Wait, grave-digger, lets see what will woman say,
You think, as lad forgot his duty,
Will girl behave like him? I think - no, no..
Wasn't it just day before yesterday, that she buried her sweetheart?
Who is laughing near the shad of dead?!
Who will joke near it?!
You'll see, she'll reject to that bothering lad!
But see, my God, she is shyly whispering:
"I agree! I think only about future,
We have one sorrow, lets forget our misfortune
I belong to you forever... Take me where you want"...
....
Grave digger, now you can say, whatever you want....
Memories about human is ended at the tomb.
Probably that new pair live together now... Time passes,
none of them are coming to see graves.
None removes dirt and grass from their graves,
roses, brought by them are withered....
Rest in peace, rest in peace, bones of forgotten beings...
You no longer exist in memories of living people...
Rest in peace, your sleep is deep and eternal...
Your graves need no more roses and flowers...
What will tears of mortals bring to you?...
there is no power, which will rises you from dead...
It happens on the earth - Everybody lives, everybody dies,
And woe to those, who forget about the death in life...
It is grieve again... Grave digger is forging silver coffins,
For those two, who forgot about their bitter fortune...
He is forging, thoughtful about life, smiling from bitterness...
Grave-digger knows, he knows, how it happens... how it should happen...
Rest in peace, rest in peace, bones of forgotten beings,
In your being I have many dreams during sorrowful times!
✕
Comments
Russia is waging a disgraceful war on Ukraine. Stand With Ukraine!
About translator
https://www.youtube.com/watch?v=OwmZveOYR8A
https://www.youtube.com/watch?v=pHYUlW9IBs8