Home Home
Help
Sign Up
LT → English (Jamaican) → Linton Kwesi Johnson → New Word Hawdah
  • Linton Kwesi Johnson

    Linton Kwesi Johnson

    New Word Hawdah • More Time [1988] • 2 translations

✕
Favorites
Share
Font Size
Original lyrics
2 translations

New Word Hawdah lyrics

Di killahs a Kigale
Mus be sanitary workaz
Di butchaz a Butare
Mus be sanitary workaz
Di savajiz a Shatila
Mus be sanitary workaz
Di beasts a Boznia
Mus be sanitary workaz
Inna di new word hawdah
 
Like a dutty ole bandige
Pan di festahrin face a umanity
Di ole hawdah anravel an reveal
Ole scar jus a bruk out inna new sore
Primeval woun dat time wone heal
An in di hainshent currency of blood
Tribal tyrants a seckle de score
 
Di killahs a Kigale
Mus be sanitary workaz
Di butchaz a Butare
Mus be sanitary workaz
Di savajiz a Shatila
Mus be sanitary workaz
Di beasts a Boznia
Mus be sanitary workaz
Inna di new word hawdah
 
An is di same ole cain an able sindrome
Far more hainshent dan di fall of Rome
But in di new world hawdah a atrocity
Is a brand new langwidge a barbarity
 
Mass murdah
Narmalize
Pogram
Rationalize
Genocide
Sanitize
An di hainshent clan sin
Now name etnic clenzin
 
An so
Di killahs a Kigale
Mus be sanitary workaz
Di butchaz a Butare
Mus be sanitary workaz
Di savajiz a Shatila
Mus be sanitary workaz
Di beasts of Boznia
Mus be sanitary workaz
Pra-pram-pram
Inna di new word hawdah
 

 

Translations of "New Word Hawdah"
English
German
Linton Kwesi Johnson: Top 3
1.Inglan Is a Bitch
2.Sonny's Lettah
3.Di Great Insohreckshan
Comments
↑↓