превод на курдски (сорани)

بیبڕە بەناوی خوداکەتەوە

• 1. ئەی یار کە تۆ ئیبراهیمیت و فەرمانت پێ دراوە کە من سەربڕیت، بەناوی هەرکەسێکەوە کە ئەیپەرستی و فرمانت لێیەوە پێ کراوە کە من بکوژیت، دەی عیشقەکەت بمکوژە و پاشگەز مەبەرەوە
  کە شمشێری ئیبراهیم ئەوەی بەسەردا سەپاوە کە تیژە و دادگایی کراوە و کۆتایی هاتووە، کە ئەمە سۆزێکە بەوەی سەری ئەبڕێت تا باش سەر ببڕێت بۆ قوربانی... تاوانبارەکانت؛ واتە ئەوانەی عاشقت کردوون بەخۆتەوە، هەموو ئەوانەی عاشقی تۆن سەریان ببڕە و پاشگەز مەبەرەوە، ئیبراهیم خودا لە کۆتاییدا نەیهێشت کە ئیسماعیلی کوڕی سەر ببڕێت، بەڵام عاشقی ئیبراهیم و ئیسماعیل بۆ خوا دەرکەوت کە پاشگەز نەبوونەوە لەوەی خوا فرمانی پێ کردوون، بۆیە تۆش ئەی یار پاشگەز مەبەرەوە و سەرم ببڕە چونکە فرمانت پێ کراوە کە ئیشی مەعشوق کوشتنی عاشقە و عیشق خۆی بۆ ئەوەیە کە تیایدا بمریت، عیشق خۆی ئەو دەستە و گروپەیە کە ئیشیان لەسێدارەدانی خەڵکیە کە حوکمەت فرمان ئەکات بە لەسێدارەدانی هەرکەسێک و ئەوانیش جێ بەجێی ئەکەن
• 2. ئاخ و حەسرەت بمسوێتنێت، واتە با ئاه کە هەڵی ئەکێشیت لەکاتێکدا خەفەت ئەخۆیت کە هەوای دەمە و وەکو دوکەڵە بمسوتێنێت، چونکە کە بە ئاگریش بسوتێی لە کۆتاییدا هەر ئەبیتە دوکەڵ و ئەچیت بە ئاسماندا، وە من لەم خەمەدا هێندە جگەرەم کێشاوە کە هەموو گیانم دوکەڵە، خەمی تۆ قورسترین نەفەسە کە کەسێک بیدات لە نێرگەلەیەک
• 3. لەبەر ئەوەی تۆ لەلام بوویت و بەیەکەوە خواردمانەوە و سووری سوراوی لێوت لەسەر پیاڵەکە جێما، ئێستە من هەموو شتێک بە سوور ئەبینم.
  سوور لێرەدا بە واتای عیشق و خوێن دێت، واتە عیشقەکەت ئەمکوژێت
• 4. خیام لە شیعرێکیدا ئەڵێت: ئەم گۆزەیەی کە ئەیبینیت و ئێستە گۆزەیە، ڕۆژێک بووە کە نەفەرێک بووە، بەڵام پاش مردنی ئەو کەسە کە ئەخرێتە گڵەوە و ئەبێتەوە بە گڵ، گۆزەی لێ دروست ئەکەن، بۆیە ئەکرێت ئەم گۆزانەی کە ئێستە هەن، ڕۆژێک نەفەرێک بووبن و گڵی ئەو نەفەرانەیان کردبێتەوە بە گۆزە، بۆیە گۆزەیەی کە ئەیبینیت ڕۆژێک ئەویش نەفەرێک بووە وەکو من عاشق، ئەو دەسکی گۆزەیەی کە تۆ ئەیبینیت، ڕۆژانێک دەستی نەفەرێک بووە لە ملی یارەکەیدا... لێرەدا شاعیر ئەڵێت:
  ---
  ١. ئەی ئەستێرەی هاوڕێی خیام(خیام ئەستێرەناس بوو) کە لەوکاتەوەی خیام مردووە (کە تا ئێستە نۆسەد ساڵە) تۆ هەیت و ماویت، پێم بڵێ ئەوکاتەی خیام مرد کام نەفەرە مرد(کام گۆزەیە شکا واتە چ کەسێک مرد، لەم شیعرەدا حسێن سەفا مردنی مرۆڤی شوبهاندووە بە شکانی گۆزە تا بە کورتی مەبەستەکەی بگەیەنێت و باسی شیعرەکەی خیام بکات) کام نەفەرە مرد و بووە گڵ و کردیانە دەسکی گۆزە کە دەست بکاتە ملی خیام کە گڵی خیامیشیان کردە بەشەکانی تری گۆزەکە، چ نەفەرێک بوو کە وا بە شانس بوو کە بیکەنە دەسک بۆ گۆزەکەی خیام کە بۆخۆی ئێستە دەستی کردووەتە ملی خیام و بووەتە هاوڕێی و ئەو شانازیەی پێ دراوە.
  ---
  ٢. خیام لە شیعرێکی تردا ئەڵێت: با شەراب بنۆشین لە گۆزەدا پێش ئەوەی گۆزە بکەنەوە گڵ و بیکەن بەسەرماندا، ئەکرێ حسێن سەفا مەبەستی لەم شیعرەی خیامیش بێت لەگەڵ شیعرەکەی تردا پێکەوە(بابەتەکە زۆر قوڵ ئەبێتەوە ئەگەر حسێن سەفا هەردوو شیعرەکەی خیامی لەیەکدابێت)، چونکە ئەڵێت (کامە گۆزە شکا ئەو ڕۆژە) ئەکرێت گۆزە شکان هەر بە سادەیی مەبەست لە گۆزە شکان بێت، واتە کامە گۆزەیان شکاند و کردیانەوە بە گڵ و کردیان بەسەری خیامدا کاتێک خیام مرد، کە ئەو گۆزەیەی شکاندیان پێشتر خۆشی هەر مرۆڤێک بوبوو و مردبوو و بوبوو بە گڵ و کرابووە گۆزە، دیسانەوە ئەو گۆزەیەیان کردەوە گڵ و خیامیان پێ ناشت، ئایا ئەو کەسە کێ بوو کە بوو بە گڵ و خیامی داپۆشی و ئێستە لە گۆڕەکەدا دەستی لە ملی خیامدایە.
  لێڕەدا دەستی ئەو کەسە لە ملی خیامدا ئەکرێ بە باشە بێت واتە بو بە هاوڕێی خیام لە گۆڕدا و ئەو شانازیەی پێ بەخشرا، یاخود ئەکرێ شاعیر تووڕە بێت لەو کەسەی کە ئێستە گڵە و کراوە بەسەر خیامدا و واز لە خیام ناهێنێت کە ئازاد بێت
• 5. ئەمیری گەورەی ئێران کە پاشایەکی ئێران بوو، بە پیلان لە حەمامدا کوشتیان بە بڕینی دەماری
  هێندە عاشقم و حەزەکەم لەم عیشقەدا بمرم کە دوای مردنیش کە زیندوو بوومەوە دوبارە و دوبارە بە عیشقەکەت بمرمەوە و بمرمەوە
• 6. لێرەدا ئەگەر شاعیر پرسیار ناکات بەڵکو عاشقەکە ئەڵێت: ئەی چەند جوان و ژیرانەیە ئەم مردنە کە عاشق بەدەستی مەعشوق بمرێت و هەر لەسەرەتای عاشق بوونەوە بیری لەوە بێت کە مەعشوق ئیشی کوشتنە و هەر لەسەرەتاوە خۆی بۆ ئەو کوشتنە حازر بکات