✕
Translation
Chann
'Ti Chann, ar Chann,
digor eo he zavarn d'an dud hep ti nag aoz,
posubl e vefe ober Tavarn an Aotroù Doue outi
mar ne vefe ket unan endeo,
an hini diwezhañ ma c'heller mont tre
hep skeiñ ouzh an nor, hep aotre tremen...
'Ti Chann, ar Chann,
e vezer n'eus forzh piv, e teuer n'eus forzh pegoulz,
hag evel dre vurzhud, dre achanterezh
perzh e vezer eus an tiegezh.
E-barzh he c'halon, dre en em voustrañ un nebeud
e chom un tamm frankiz.
Chann, ar Chann,
paour eo, ha gwall-bourvezet eo he zaol d'ar peurliesañ,
met an nebeud a gaver warni a walc'h da viken.
Dre he doare reiñ
heñvel eo he bara ouzh ur wastell,
hag e dour ouzh ar gwin evel div dakenn laezh.
Chann, ar Chann,
paeañ a reer dezhi, pa c'heller, prizioù marzhus:
ur pok d'he zal pe d'he blev wenn,
un doare kendon war ar gitar,
chomlec'h ur c'hazh skaotet 1
pe ur c'hi kagalet holl da ober he gwerzh-butun.
Chann, ar Chann,
er roz hag er c'haol n'he deus ket kavet bugale
a garje hag a ziwallje ouzh ar pevar avel,
a istribilhje ouzh he c'horfenn
hag a zourje gant he laezh...
Glac'haret holl e vije maouezed all gant se...
Met Chann, ar Chann,
n'en em chal muioc'h eus se eget un disteraj:
bezañ mamm da dri c'hornandon, petra dalv se
pa vez-hi mamm d'an holl ved,
pa vez dezhi an holl vugale war an douar,
er mor hag en neñv.
- 1. Daveet eo d'ar ganaouenn "C'est la Mère Michel qui a perdu son chat...".
✕
Collections with "Jeanne"
1. | Prénoms (First names) Partie III : G-J |
Georges Brassens: Top 3
1. | Je me suis fait tout petit |
2. | Les passantes |
3. | La mauvaise réputation |
Idioms from "Jeanne"
1. | montrer patte blanche |
2. | sans feu ni lieu |
Comments
Russia is waging a disgraceful war on Ukraine. Stand With Ukraine!
About translator
Role: Guru
Contributions: 1170 translations, 340 songs, 1309 thanks received, 52 translation requests fulfilled for 20 members, 8 transcription requests fulfilled, added 156 idioms, explained 165 idioms, left 1088 comments
Languages: native French, fluent English, Breton, Italian, Latin, beginner Catalan, Spanish, French (Old French), Occitan, Portuguese, Old Occitan