✕
[سعد و نيكول]
بالبلدي ... البلدي هو اللي هيكسب
لا أوروبي ... ولا غربي
صلي ع النبي تكسب
(يا حمو ... ها ها ها)
[كورس]
بالبلدي ... البلدي هو اللي هيكسب
لا أوروبي ... ولا غربي
صلي ع النبي تكسب
(ولا ولا ولا)
[سعد]
قُصر الكلام أحسن من طوله
هتشوف الرقص على أصوله
و حياة دي النعمة ما حتقدر
تغمض عينيك
[نيكول]
إتفرج بس إنت عَليّا
أنا بقى هأعملك صعيدية
و إسكندرانية و مصرية
بنت بلدي و شيك
أنا أبويا صعيدي
و أخويا هريدي
عمره ما كبر مخه
لو حد عاكسني
ولا لمسني
بالفرفر بيطُخه
[كورس]
أنا أبويا صعيدي
و أخويا هريدي
عمره ما كبر مخه
لو حد عاكسني
ولا لمسني
بالفرفر بيطُخه
[نيكول]
أنا يا واد جوز خالتي الخُط
إعقل يا واد إنت و حط
عقلك في راسك يا عينيا
[سعد]
آه يانا من سحرك أخ
إنشالله عشانك أطَّخ
بس أخد منك بوسة
ده إنتي بنظرة هَبَلتيني
أنا عاوز أكمل نص ديني
و أبقى عريسك يا عروسة
[واحد صعيدي]
إيوة
عايز أبقى عريسك يا لهطة القشطة
أبااااي
[نيكول]
أنا حتة بنت إسكندرانية
تشوفني تقول أيووه
اللي يحبنا نعملوا معاه الواجب
و نحبوه
[كورس]
أنا حتة بنت إسكندرانية
تشوفني تقول أيووه
اللي يحبنا نعملوا معاه الواجب
و نحبوه
[نيكول]
يعني مفيش مِنّا إتنين
لو بصِّتلي دقيقتين
هنخلوك تحلم بيّا
[سعد]
ده أنا شفت المينا قلاب
ده أنا عقلي ده هَوهَو خاف
أنا غيرك والله ماليش
و حياة أبوكي ماتسيبينيش
لو سبتيني هأروح فيها
ده إنتي اللي بَلِّف عليها
[نيكول]
يا واد يا واد
يا واد يا واد
أنا بنت مودرن و رِوشة
و أشيك مني في مصر مافيش
الصبح أنا بأعمل شعري ده كيرلي
و بالليل بيبقى كانيش
[كورس]
أنا بنت مودرن و رِوشة
و أشيك مني في مصر مافيش
الصبح أنا بأعمل شعري ده كيرلي
و بالليل بيبقى كانيش
[نيكول]
أنا بألبس لِبس جنان
في اليوم عشرين فستان
كلها ماركات عالمية
[سعد]
أنا هألبسلك ع الموضة
و هأجيب بناطيل برمودا
وكمان هأعمل نيولوك
و أبنيلك فيلا في شبرا
ده غرامك زي الإبرة
عمال في القلب يشُك
يلا
[سعد و نيكول]
البلدي ... البلدي هو اللي هيكسب
لا أوروبي ... ولا غربي
الطبيعي هيكسب
[كورس]
بالبلدي (آه) ... البلدي هو اللي هيكسب
(ده إحنا اللي هنكسب)
لا أوروبي ... ولا غربي
الطبيعي هيكسب
(ولا ولا ولا)
البلدي ... البلدي
niskuk
Mohamed Zaki
julietarab
Vimto12Изказвания
