Mongools vertaling

Амар мэндээ,

Алтай Хай хамтлагийн сайхан дуунуудад Монгол орчуулга тэрлэсэн танд баярлаж буйгаа илэрхийлэхийн хамт зарим үгний орчуулганд саналаа хэлэхийг минь зөвшөөрнө үү.

1. jер гэдгийг нутаг гэж орчуулсантай санал нэг байна. Гэвч бидний үгийн санд энэ үг одоог хүртэл Уулын Алтайнхантай адилаар жир гэж хэрэглэгдсээр буйг бид анзаардаггүй билээ. Жир буюу газар (монгол бичгээр гажар) гэдэг утгатай үг өнөөдөр жирийн гэдэг энгийн зүйл гэсэн утгатай хэлбэрээр хэрэглэгдэж үлджээ. Уг утга нь жирийн бус явдал хэмээвэл газрын амьдралд тохиогоогүй явдал гэсэн утга ажээ. Тиймд жир минь эсхүл газар минь хэмээхэд буруудахгүй билээ.

2. бу гэдэг үгийн утга нь манай монгол хэлний буй гэдэгтэй утга нэг тул энэ гэдгийн оронд буй гэвэл илүү нийцтэй гэж бодож байна.

3. ойлор нь ой буюу бүтэн хугацаанууд гэгдэх ижил утга агуулж байх тул ойнууд хэмээхэд огт буруудахгүй санагдана.

4. корумдар буюу хормууд хэмээх мөн ижил утга байх тул хормууд гэж бичвэл болмоор санагдана.

Энэ бүгдийг бичсэний учир нь эртнээс инагш бидний Монголын нэгэн хэсэг асан Алтай нутгийн ард түмэн, тэдний өв соёл, үүх түүхийг харь улс үндэстэн булаах үзэл хэтийдэж Монголтой огтоос хамаагүй, өөр хэлээр үгүүлэгч мэтээр цахимд сурталдах нь хэрээс хэтрэх болсонд харамсч явдгийнх билээ.