E Asiye coxo skani ǩurbani
Si mu dologocans mçxuiş t̆iǩani
Beronaşen beri na vort̆i sǩani
Sin domç̌vi do domxali gyuli çkimi
Aǯi şkule goulu daği daği
Dido miğun guris derdi meraği
Oǩomdğulat sin şekeri ma yaği
Sin domç̌vi do domxali gyuli çkimi
Ağne odas perde kogevoǩidi
Izmoceten alis dologaǩidi
Gomǩuǯxişi mgarinis yevuǩidi
Sin domç̌vi do domxali gyuli çkimi