✕
Albanian
Albanian
Këtu s’do t’jem, do jem larguar:
Në tokë i tretur si të tjerët,
Në kafenenë e preferuar
Nuk do më shohin kamarierët.
Dhe nëpër rrugët ku kam ecur
S’do ndiehet kolla ime e thatë,
Mbi varrin tim do rrijë i heshtur
Një qiparis si murg i ngratë.
Po kur të jesh mërzitur shumë
Në raft të librave kërkomë,
Atje i fshehur do t’jem unë,
Në ndonjë fjalë a ndonjë shkronjë.
Mjafton që librin pak ta heqësh
Dhe unë do zbres, do vij pas teje;
Ti si dikur me mall do qeshësh,
Si një blerim pas një rrëkeje.
Dhe unë do zbres, do vij pas teje;
Do vij…
Këtu s’do t’jem, do jem larguar:
Në tokë i tretur si të tjerët,
Në kafenenë e preferuar
Nuk do më shohin kamarierët.
Ti do trishtohesh atëherë,
Se s’do më kesh në dhomë të gjallë,
Dhe kur në xham do fryjë erë,
Do qash me erën dalëngadalë.
Po kur të jesh mërzitur shumë
Në raft të librave kërkomë,
Atje i fshehur do t’jem unë,
Në ndonjë fjalë a ndonjë shkronjë.
Mjafton që librin pak ta heqësh
Dhe unë do zbres, do vij pas teje;
Ti si dikur me mall do qeshësh,
Si një blerim pas një rrëkeje.
Dhe unë do zbres, do vij pas teje;
Do vij…
ⰍⰓⰀⰔⰑⰎⰑⰂComments
Tekst: Dritëro Agolli
Muzikë: Ardit Gjebrea