✕
Paroles originales
1 traduction
paroles de Ameddaḥ
Regmeɣ-k a gma ur ttsetḥiɣ
Ayen akken akk id-ak-nniɣ
Iḥuza-k ur d-i-yezgil
Ma ɣelṭeɣ deg wayen ẓriɣ
Aql-i d lɛebd ay lliɣ
Ahat zegdaɣ-as i lkil
Yak teẓrid seg-k d acu ṛǧiɣ
Ur k-qaleɣ ur d iyi ttqil
Bɣiɣ kan a k-steqsiɣ
Amek i tga tidet mel-iyi
Uh, uh sameḥt-iyi
Nekk d ameddaḥ ur nettsetḥi
Ur nḥebbes di tikli
Yettɛeddin tawwurt tawwurt
Ayen inwa d tidet a tt-yini
Teslam-asen-d mi nnuɣen
Di mkul lǧiha suɣen
Wa meɛdur wa d lḥeqq-is
Taddukli n wasmi kerzen
Neɣ mi zerɛen neɣ mi srewten
Iṛuh wer-d-igri lateṛ-is
Ḍeggren ayen fi ɛettben
Kul wa iḍeggeṛ d iɣsan-is
Yeqqar-as d ayen iketben
Xeṛsum yettsebbiṛ ul-is
Afcal-ik anda t-ufan
Mi sen-ihwa neɣ mi stufan
Ssnen ad jebden lexyuḍ
Wis ma d ul-ik i-yelhan
Neɣ imi tesɛiḍ laman
I ak-faqen amek i t-teduḍ
Ma ak-id awin di nnican
Rran-k sanga bɣan telḥud
Asmi wḍḍen ayen akk bɣan
Ǧǧan-ak allen-ik ad truḍ
Lferḥ-ik ay Aqbayli
Mi ara tesleḍ yiwen ak-yini
Tirugza d kečč i d bab-is
S anga id-as yehwa ak-yawi
Ad as-tuɣaleḍ d lfuci
Ara ireffed gar yifassen-is
A k-yettɛemmir s yimi
Yis-k ara yeɣḍel aɛdaw-is
Di teɣmert a k-ittekki
Mi ara yekfu yis-k cceɣl-is
Tagmat s yiles ḥlawen
Nettbeddil-as di ṣṣifa
Ɣas akken deg wul-awen
S wawal ṛẓagen nḥulfa
Neḍmeɛ tagmat id ilulen
Nreggem-it mi tt-nwala
Nettaǧǧa-tt tezga tuḍen
Nettru ɣef lǧehd-is yekfa
Nettruẓu-as iffaden
Amzun nugad ma teḥla
Ah a gma ɣas mel-iyi
Ma telha tegmat ma tili
Ah a gma ɣas mel-iyi
Ma telha s tidet neɣ ala
Fehmeɣ-k tfehmeḍ-iyi
S ayen i nessarem ad-neffeɣ
A d-nesnulfu taddukli
A d-nernu wiyaḍ ɣur-neɣ
Ad nessexdem di lɣači
Alamma teddun yes-neɣ
Dinna s imir ad nwali
Anwa ara izewṛen gar-aneɣ
Yiwen ad t-id iṣaḥ ukursi
Ma ur iyi-tekkiseḍ ad k-kkseɣ
Ah a gma ɣas mmel-iyi
Ma telha tdukli mi ara tili
Ah a gma ɣas mmel-iyi
Ma telha s tidet neɣ ala
Lluẓẓeɣ kečč telluẓeḍ
Ilaq-aɣ ad neddukel
Ɣer wid i aɣ-yecban ad neḥfeḍ
Lḥeq ad t-id-nessekfel
Yella neɣ ar d ad t-nawed
Ad nekkes tamɛict n ddel
Mi neṛwa laẓ ad t-nesfeḍ
Nekkni d wid irebḥen neɛdel
S ameɣbun ur ntenneḍ
Ammer ad aɣ-d-isiwel
Ah a gma ɣas mmel-iyi
Ma telha tawant mi ara tili
Ah a gma ɣas mmel-iyi
Ma telha s tidet neɣ ala
Ad nennaɣ ɣef tlelli
Yidneɣ ayen ibɣun yeḍru
Kkert ad nebdu tikli
Snesla icuden ad tt-nefru
Ad nefk nnuba i lɣači
Kul wa as-nesfeḍ ayen iru
Ad as-nbeddel tikli
Siwa akken ilaq ara telhu
Win ur nhedeṛ am nekkni
Ad as-nessifeg aqeṛṛu
Wigi yettṣeggimen ccna
Ɣer lǧiha-nneɣ a ten-id-nernu
A sen-nini nettdafeɛ
Ɣef teqbaylit a d-teḥyu
Ad aɣ-d ɛiwen meṛṛa
Kul yiwen a d-yehdu asefru
Mi newweḍ s ayen nebɣa
Ṣṣut nsen ar d a t-nemḥu
Ula d afrux di lexla
At-nṣegged mi ara icennu
Ah a gma ɣas mmel-iyi
Ma d Taqbaylit i nettnadi
Ah a gma ɣas mmel-iyi
Neɣ ma d akursi i nebɣa
Rafik Haddadene 1Commentaires
La Russie a lancé une guerre honteuse contre l’Ukraine. Soutenez l’Ukraine !
Algérie: Top 7
 | Khaled |
 | Saint Levant Hip-Hop/Rap |
 | Babylone Indé |
 | Rachid Taha |
 | Souad Massi Musique country, Fado, |
 | Soolking Hip-Hop/Rap |
 | Zaho R&B/Soul |