✕
رجعوني عينيك لأيامي اللي راحوا
علموني أندم على الماضي وجراحه
اللي شفته قبل ما تشوفك عينيا
عمر ضايع يحسبوه إزاي عليّا
انت عمري اللي ابتدى بنورك صباحه
قد إيه من عمري قبلك راح وعدّى
يا حبيبي قد إيه من عمري راح
ولا شاف القلب قبلك فرحة واحدة
ولا داق في الدنيا غير طعم الجراح
إبتديت دلوقتِ بس أحب عمري
إبتديت دلوقتِ أخاف لا العمر يجري
كل فرحة إشتاقها من قبلك خيالي
التقاها في نور عينيك قلبي وفكري
يا حياة قلبي يا أغلى من حياتي
ليه ما قابلتش هواك يا حبيبي بدري
الليالي الحلوة والشوق والمحبة
من زمان والقلب شايلهم عشانك
دوق معايا الحب دوق حَبة بحَبة
من حنان قلبي اللي طال شوقه لحنانك
هات عينيك تسرح في دنيتهم عينيا
هات إيديك ترتاح للمستهم إيديا
يا حبيبي تعالى وكفاية اللي فاتنا
اللي شفته قبل ما تشوفك عينيا
عمر ضايع يحسبوه إزاي عليّا
انت عمري اللي ابتدى بنورك صباحه
يا أغلى من أيامي
يا أحلى من أحلامي
خدني لحنانك خدني
عن الوجود وابعدني
بعيد بعيد أنا وانت
بعيد بعيد وحدينا
ع الحب تصحى أيامنا
ع الشوق تنام ليالينا
صالحت بيك أيامي
سامحت بيك الزمن
نستنى بيك آلامي
ونسيت معاك الشجن
احمد کریمی
Mohamed Zaki
LT
maluca
Miley_Lovato
DanaharabComments
Wowiwowow
Mon, 25/10/2021 - 12:10
The video was blocked from playback by the YouTube uploader, try this version:
https://www.youtube.com/watch?v=1wBvuZVE7FI
What kind of transliteration rules did you use?
It's really difficult to follow the transliterated text in Arabic.