Advertisements

Hamza Namira - فاضي شوية (Fady Shewaya)

Arabic/Transliteration
A A

فاضي شوية

آه يا سلام
سيبنا الوقت يعدي أوام
ما حسبناش اللحظة الجاية
 
دا اسمه كلام
عيشنا العمر نربّي حمام
بس نسينا نقوم غيّة
 
ومايهمكش عادي
اسمع مني الساعة دي
مش وقت عتاب أو لوم
 
فيها إيه لو نرجع تاني؟
وبدل ما تكون وحداني
تسندني معاك ونقوم
 
فاضي شوية
نشرب قهوة فى حتة بعيدة
إعزمني على نكتة جديدة
وخلّي حساب الضحك عليّا
 
دا إحنا يا دوب
مالحقناش نقرا المكتوب
علشان نلقى هموم وقسية
 
دا اسمه كلام
عيشنا العمر نربّي حمام
بس نسينا نقوم ِغيّة
 
عارفك مشغول الايام دي
ما أنا زيك بس عندي
حكايات صعب أخبيها
 
واكمنك داري بحالي
مذاكرني وعارف مالي
مستني عشان أحكيها
 
موج الدنيا أناني وعالي
وانت لوحدك وأنا لسه لي
عمر هعيشه معاك لو يوم
 
ماشي براحتك بس راهننى
على يوم منّك وسنين منى
إنك مابتعرفش تعوم
 
ومايهمكش عادي
اسمع مني الساعة دي
مش وقت عتاب أو لوم
 
فيها إيه لو نرجع تاني؟
وبدل ما تكون وحداني
تسندني معاك ونقوم
 
فاضي شوية؟
دا أنا واحشاني القعدة معاك
وإن ماقدرتش تيجي هناك
هستناك المرة الجاية
 
Thanks!
thanked 7 times
Submitted by Mohamed RefaatMohamed Refaat on Wed, 30/12/2020 - 17:18

 

Comments
Read about music throughout history