ألف ليلة وليلة lyrics (Alf Layla W Layla)

These lyrics are only the first half of the song (and there are some mistakes). Here are the complete (hopefully correct) lyrics, but without all the repeats. (This should print with right alignment).

يا حبيبي… الليل وسماه… ونجومه وقمره… وسهره
وانت وأنا… يا حبيبي أنا… يا حياتي أنا…

كلنا… كلنا… في الحب سوا… والهوى… آه منه الهوى
سهران يسقينا الهنا… ويقول بالهنا… يا حبيبي
يالله نعيش في عيون الليل
ونقول للشمس تعالي بعد سنة… مش قبل سنة
دي ليلة حب حلوة بألف ليلة وليلة…
بكل الهمر… هو العمر إيه غير ليلة زي الليلة

إزاي أوصف لك يا حبيبي إزاي… قبل ما حبك كنت إزاي… يا حبيبي
كنت ولا امبارح فاكراه… ولا عندي بكرة أستناه…
ولا حتى يومي عايشاه…
خدتني بالحب في غمضة عين…
وريتني حلاوة الأيام فين…
الليل بعد ما كان غربة… غربة مليته أمان
والعمر اللي كان صحرا أصبح بستان
يا حبيبي… يالله نعيش في عيون الليل
ونقول للشمس تعالي بعد سنة… مش قبل سنة
دي ليلة حب حلوة بألف ليلة وليلة…
بكل العمر… هو العمر إيه فير ليلة زي الليلة

يا حبيبي إيه أجمل من الليل واتنين زينا عاشقين
تايهين ما احناش حاسين العمر ثواني ولا سنين
حاسين إننا بنحب وبس…
عايشين لليل والحب وبس…
يا حبيبي الحب حياتنا وبيتنا وفوتنا
للناس دنيتهم واحنا لنا دنيتنا…
وأن قالوا عن عشاقه… بيذوبوا في نار أشواقه
أهي ناره دي جنتنا
الحب عمره ما جرح… ولا عمره بستانه طرح
غير الهنا… وغير الفرح… يا حبيبي
يالله نعيش في عيون الليل…
ونقول للشمس تعالي بعد سنة… مش قبل سنة
دي ليلة حب حلوة بألف ليلة وليلة…
بكل العمر… هو العمر إيه غير ليلة زي الليلة

يا قمر ليلي… يا ظل نهاري… يا حبي… يا أيامي الهنية
عندي لك أجمل هدية
كلمة الحب اللي بيها… تملك الدنيا وما فيها
واللي يفتح لك كنوز الدنيا ديه…
قولها ليه…
قولها للطير… للشجر… للناس
لكل الدنيا… قول الحب نعمة… مش خطية
الله محبة… الخير محبة…النور محبة… يا رب
تفضل حلاوة سلام أول لقا في إيدينا
وفرح أول معاد منقاد شموع حوالينا…
ويفوت علينا الزمان يفرش أمانه علينا…
يا رب…

لا عمر كاس الفراق المر يسقينا
ولا يعرف الحب مطرحنا ولا يجينا
وغير شموع الفرح ما تشوف ليالينا
يا حبيبي…
يالله نعيش في عيون الليل…
ونقول للشمس تعالي بعد سنة… مش قبل سنة
دي ليلة حب حلوة بألف ليلة وليلة…
بكل العمر… هو العمر إيه غير ليلة زي الليلة